Andrea Ivanova, e cila është vajza me buzët më të mëdha në botë, së fundmi ka bërë një tjetër ndërhyrje në trup.
22-vjeçarja nga Sofja, Bullgari, ka zmadhuar edhe gjoksin. Në një intervistë për “Daily Star”, Andrea u shpreh se do të bëjë gjithçka për të arritur pamjen e ëndrrave të saj.
Ajo iu nënshtrua një operacioni prej 3,000 paund në janar të këtij viti, duke e zmadhuar me katër madhësi gjoksin e saj.
Edhe pse dhimbjet në ditët e para pas operacionit ishin shumë të forta, Andrea tha se është rikuperuar brenda dy javëve dhe tashmë po planifikon ta zmadhojë gjoksin edhe me një madhësi më shumë.
22-vjeçarja filloi të transformohej në një “Barbie” në vitin 2018 dhe ka shpenzuar mijëra paund për ta arritur këtë rezultat.
NDIQE LIVE "PANORAMA TV" © Panorama.al
