Berisha, të rinjve: Më 23 qershor, fitore si ajo e vitit 1992

tweet

Lajmi i Fundit e Premte, 8 Shkurt, 2013 | 19:00 pm

DURRES- Partia Demokratike anëtarësoi sot 3 mijë të rinj ne qytetin e Durresit. I pranishëm në këtë takim ishte edhe kryeministri, Sali Berisha, i cili në fjalën e tij e cilësoi këtë një ditë historike dhe ndër më të bardhat, ndërsa u kërkoi të rinjve që me 23 qershor të rikthejnë në skenë fitoren e vitit 1992. Berisha u tha të rinjve që duke filluar nga nesër, ata së bashku të nisin punën për mbledhjen e  çdo vote, për të rikthyer edhe njëherë atë që ai e quajti fitoren plebishitare të PD-së, fitoren e vitit 1992. Anëtarësimin e tre mijë të rinjve, kryeministri Berisha e konsideroi si dëshmi që PD sot më shumë se kurrë në historinë e saj ecën në një valë me ndjenjat, me shpirtin, zemrën, idealet dhe vizionin e të rinjve europianë. “Qeveria vendos së shpejti që të përballojë shpenzimet, kontributet sociale, sigurimet shoqërore për secilin prej jush, për çdo të ri, për tre vjet me rradhe në çdo sipërmarrje.”- tha Berisha. Berisha u premtoi të rinjve të Durrësit dhe të gjithë Shqipërisë se, qeveria e tij do të bëjë gjithçka për punësimin e tyre, duke ftuar sipërmarrësit e Durrësit, Tiranës dhe mbarë Shqipërisë, por edhe ata nga Evropa dhe mbarë bota, që të vijnë në Shqipëri, të punësojnë të rinjtë shqiptarë dhe të njihen me aftësinë, energjinë dhe kualifikimin e tyre. tweet