SHBA, i dehuri shkëput korrentin në pulari, ngordhin 70 mijë pula
Kuriozitete e Mërkurë, 5 Shtator, 2012 | 12:37 pm
Është hetim i një lloji të rrallë. Siç është shprehur vetë sherifi i kontesë Vikomik në Merilend, SHBA, Tim Robinson, “në njëzet vjet karrierë, është hera e parë që dëgjoj për një rast të tillë”. Incidenti ka ndodhur në një fermë në Delmar. Një djalë i dehur aksidentalisht ka shkëputur korrentin në një pikë rritjeje pulash. Të 70 mijë pulat kanë ngordhur. Xhoshua D. Shelton, 21 vjeç, kishte pirë shumë dhe në mëngjes nuk mbante mend fare se çfarë kishte ndodhur. E gjetën të dehur, me një bluzë e mbathje e që flinte përmbys përpara centralit elektrik të kompanisë së agrikulturës. Pa ujë, ushqim dhe ventilim, shpendët kishin nisur të ngordhnin pas 15 minutash. Vetëm 100 pula kishin mbetur gjallë. Dëmi është llogaritur rreth 220 mijë dollarë, pa përfshirë punën për heqjen dhe eliminimin e pulave të ngordhura. Shelton kishte qenë në një koncert në zonat aty afër, e për më tepër me të bijën e pronarit të fermës. Tani po përballet me një mal akuzash.
Edhe ia paska punu vajzen, edhe pulat…:)
hahahaha……