VLORE/ Zjarr afër plazhit, pushuesit në panik
Kronike e Dielë, 19 Gusht, 2012 | 13:55 pm
Foto Ilustruese
VLORE- Një zjarr që përfshiu një zonë me ullishte në Radhimë, ka shkaktuar panik te pushuesit e shumtë gjatë kësaj vije të bregdetit. Flakët kanë avancuar në mënyrë të shpejtë, duke bërë që shumë rrënjë ullinj të shkrumboheshin. Banorët e zonës kanë ndërhyrë vetë për shuarjen e flakëve, ndërsa në vend mbërritën edhe zjarrfikëset. Ngjarja shkaktoi frikë te pushuesit, për shkak se flakët nisën të afroheshin deri te çadrat e tyre. Policia ka nisur hetimet në lidhje me këtë ngjarje, pasi dyshohet se zjarri është vënë qëllimisht nga vetë banorët. Janë dashur disa orë luftë me flakët deri në shuarjen e tyre. Ndërkohë që gjatë muajve të verës, në qarkun e Vlorës ka pasur disa vatra të tilla, të cilat gjithashtu dyshohet të kenë qenë të qëllimshme. Por deri më tani, nuk ka asnjë të arrestuar për autorësinë e zjarrvënies. q.b
zjarri mund të vlej në të arrdhmen e afërt për ndërtime banesash,lokalesh,hotelesh,mbjellje hashashi et,etj.