Niada Saliasi, pushimet e çmendura të aktores mes miqve
Panorama Plus e Dielë, 19 Gusht, 2012 | 16:20 pm
Me daljen e parë publike, ajo u cilësua si një femër shumë seksi edhe pse synimi i saj ishte aktrimi, ndërsa pamja tërheqëse e vajzës brune bëri që të pëlqehet edhe më shumë në profesionin e saj. Ndër shkrimet e shumta që janë bërë për Niadën, është dhe intervista e dhënë për gazetën “Panorama”, në të cilën thuhej se inspektorja e krimeve zgjedh aktrimin, e në fakt ajo ka pasur rastin të luajë në shfaqje të ndryshme, duke e kujtuar gjithmonë atë vajzën e re, të shpenguar te ‘’Salla e banjës’’ në regji të Inis Gjonit. Prania e saj u vu re edhe tek gara e kërcimit në ‘’Dancing with the stars’’, edhe pse nuk arriti të kualifikohet lart.
Niada Saliasi vazhdoi më tej duke mos lënë mënjanë aktrimin për të cilën edhe është diplomuar. Këtë radhë aktoren e njohur e sjellim në një tjetër version, ashtu siç gjinia e fortë e sheh atë, si një femër seksi me linja të përkryera, duke lënë të tregohet se edhe aktoret, krahas këngëtareve dhe modeleve, kanë linja të bukura. Fotot nga pushimet me miqtë e saj Niada i ka postuar edhe në facebook, duke shuar kështu kureshtjen e fansave dhe miqve e duke lënë të mësohet se ajo po shijon ditë të çmendura me shokët dhe shoqet e saj, deri në rolin e ardhshëm.
