Braktisja e shkollës, shifrat raportohen 2,5 herë më pak
Sociale e Dielë, 19 Gusht, 2012 | 14:03 pm
Përplasje shifrash për braktisjen e arsimit të detyruar. Zyrtarisht, Ministria e Arsimit raporton se vitin shkollor që është mbyllur, 1 621 fëmijë në të gjithë vendin nuk e ndoqën mësimin, ose 0.26% e gjithë nxënësve.
Përfaqësuesit e Federatës së Arsimit japin të tjera shifra. Nga sa ka deklaruar kreu i kësaj sindikate, Xhafer Dobrusha, nga të dhënat që disponon sindikata janë 4000- 5000 fëmijë në vit që braktisin arsimin e detyruar. Zonat më problematike janë Fieri, Korça, Durrësi, Shkodra dhe pjesa veriore e vendit. UNICEF gjithashtu raporton se braktisja fizike e shkollës, edhe pse raportohet si një dukuri në rënie, është ende e pranishme në familjet e varfra dhe shumë të varfra. Në tryezat e organizuara me ministritë e linjës, përfaqësuesit e UNICEF kanë bërë me dije se shifrat zyrtare nuk i përgjigjen saktësisht realitetit.
BRAKTISJA E FSHEHTË
Ekspertët e arsimit bëjnë me dije se është vërejtur edhe një tjetër fenomen, të cilin ata e cilësojnë “braktisje e fshehtë”. Në këtë grup bëjnë pjesë të gjithë ata nxënës që janë të pranishëm në klasë, por nuk marrin vëmendjen e duhur nga mësuesi e kanë rezultate shumë të dobëta në mësime. Ata janë kontingjenti i nxënësve që mund të braktisë arsimin në vitet pasardhëse. “Braktisja e fshehtë gjithashtu ka si shkak edhe situatën e vështirë ekonomike në familje. Fëmijët nisin shkollën, por detyrohen të punojnë, çka bën që rendimenti në mësime të bjerë”, thonë ekspertët e arsimit. Braktisja e fshehtë është një dukuri që haset kryesisht brenda shkollës….
(Lajmin e plote e lexoni ne numrin e sotem te gazetes, Panorama)
ZIRINA LLAMBRO
Eshte e vertete qe shifrat e braktisjes fizike , nese e quajme keshtu) jane mjaft te ulta vitet e fundit, jo se ka fshehje shifrash ,as se ka ndonje rritje te larte ekonomike , por se nuk ka prind qe pengon vijimin e shkolles nga femijet…Kurse e ashtuquajtura ” braktisje e fshehte” ka ekzistuar historikisht ne shkolla, jo se jane lodhur duke punuar , sic thuhet nga dikush qe do ta motivoje politikisht, por nxenesit e dobet me pak inteligjence nuk mendohet se do mungojne ne klase , vetem nese behet ndonje perzgjedhje …