Opinione Dielë, 12 Gusht, 2012 | 12:12 pm
EDMOND TUPJA
Le ta themi që në krye të herës: Sot nuk ndodhin më mrekulli! Nuk ka më Hirushe! As Princ (të kaltër apo rozë) që, pas shumë përpjekjesh, e gjen dhe martohet me atë! Askush nuk u beson më mrekullive! Përralla është përrallë dhe realiteti, realitet! Sot asnjë histori nuk përfundon më me fjalët: “Ata u martuan, bënë shumë fëmijë dhe jetuan të lumtur”! Këto mendime po bluaja kur sapo kishte filluar vapa e tmerrshme e këtij fillimgushti, ky zheg apo djegagur, quajeni si të doni, një mëngjes tek zbrisja shkallët për të vajtur në tregun e vogël fshatar pranë shtëpisë sime. Befas, në katin e dytë, sytë më zunë derën gjysmë të hapur të fqinjës sime të mirë A****, poshtë së cilës kjo kishte ngecur një këpucë të sheshtë që apartamenti i saj i vogël të mund të ajrosej nga rryma e ajrit e asaj të mos i zihej fryma. Po, sot nuk ka më as Princ, as Hirushe, dhe këpuca e kësaj të fundit ka mbetur poshtë derës së fqinjës sime të mirë. Që dera t’i rrijë hapur në pisk të vapës e që asaj t’i vijë pak fresk. Fqinja ime e mirë është pensioniste dhe jeton vetëm: nuk i del të mbajë kondicioner (që të bijat dhe dhëndurët bujarë janë gati t’ia blenë, ç’është e vërteta), se pensionin e ka shumë modest, se është e moshuar dhe përdor rregullisht ilaçe. Ilaçe të cilat jo të tëra janë gjithmonë të lira e të rimbursueshme. Pastaj i duhet edhe të vërë ndonjë para mënjanë, sepse, helbete, paraja e bardhë për ditë të zezë duhet ruajtur. U bënë, sidoqoftë, disa javë, që unë e shoh çdo mëngjes këpucën e Hirushes poshtë derës së fqinjës sime të mirë. E shoh dhe buzëqesh me dhimbje. Buzëqesh me dhimbje dhe them me vete: Po sikur dikush, individ apo institucion qoftë, të bëjë një sondazh për të përcaktuar numrin e përgjithshëm të këpucëve të Hirushes që shqiptaret dhe shqiptarët pensionistë vënë çdo mëngjes nën derë në mënyrë që të fryjë pak e atyre të mos u merret fryma nga vapa? A do të ishte kjo statistikë një ndihmë më shumë, sado e vogël, për të përcaktuar nivelin e varfërisë në megapolin shqiptar? Në megapolin shqiptar ku çdo shtëpi, çdo familje, qoftë edhe vetëm me një pjesëtar, aq më tepër pensionist/e të vetmuar, mund të jetë një mikropol domethënës për indin social të shoqërisë shqiptare? Të shoqërisë shqiptare, ku ende nuk po zënë të paktën kore disa plagë shqetësuese? Disa plagë shqetësuese që duhen marrë më seriozisht jo vetëm nga qeveria, por edhe nga shoqëria civile, edhe nga çdo qytetar/e i/e marrë veçmas? Sidoqoftë, a mund ta përfytyroni se ç’do të ndodhte sikur Princit përherë të dashuruar me Hirushen t’i shkonte lajmi që në Tiranë qarkullojnë jo nën dorë, por nën derë, shumë e shumë këpucë të Hirushes? Fillimisht ai nuk do ta besonte këtë lajm: këpuca e Hirushes, ajo e vërteta, ishte prej kristali dhe, si e tillë, do të thyhej e thërrmohej po ta vinin nën derë! Megjithatë, ka të ngjarë që ai të hidhej sërish në kërkim të së dashurës së tij dhe rrezik ta humbte fillin si Xhaferri simiten dhe të përfundonte ose në çmendinë, ose në poligami. Prandaj, në e takofshi ndonjë ditë të vaposur rrugëve e shesheve të Tiranës, mos ia zini fare në gojë këtë lajm. Thojini vetëm që, meqenëse është ende Princ, pra, i pasur, le ta vërë dorën në zemër e sidomos në kuletë për t’u dhuruar sa më shpejt pensionisteve dhe pensionistëve shqiptarë, në veçanti atyre që jetojnë fillikat duke mbajtur barkun me dorë e freskun me derë, nga një kondicioner pa harruar t’u paguajë faturën e energjisë elektrike në fund të çdo muaji! Për ta mbyllur, unë do t’u sugjeroja shërbimeve funerale të Tiranës që, në rast se një pensioniste e vetmuar vdes nga pasojat e vapës, le të kujdesen që t’i vënë në arkivol edhe këpucën e Hirushes, e cila këpucë, gjithsesi, u përpoq t’ia vononte vdekjen qoftë edhe për disa ditë me vapë të padurueshme. Në fund të fundit, ku i dihet: edhe në Botën e Përtejme (në ekzistoftë ndonjë e tillë), falë këpucës së Hirushes, të vdekurës së ringjallur mund t’i dalë fati e të martohet me ndonjë Princ (të kaltër apo rozë, pak rëndësi ka).
tweet
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Panorama Online.
Moderatori
Lexoni Gazeta Panorama ne formatin PDF »»KLIKO KETU
I nderuar shkrues i “Kepuca e Hirushes”
Fabula ishte shume e bukur.Nuk dua te lodh lexuesit dhe ju bashke por po them vetem dy fjale: ashtu si kepuca e hirushes vonon qofte dhe per disa dite vdekjen e pensionistes, do ju luteshim shume me shkrimet tuaja te shpejtonit ose me mire te mos ju jepni jete atyre qe detyrojne pensionistet te perdorin kepucet e hirushes per te vonuar vdekjen e tyre.
Je burre i zgjuar dhe e kupton mire se ku e kam fjalen. Gjuha kocka s’ka por kocka thyen.
Bukur fort e ke qendisur Prof.Mondi.Duket qe jeton me hallet e popullit.Por problemin e kepuceve te “hirusheve” te tua nuk mund ta zgjidhin “kondicioneret e ajrit” qe ua kerkoje te dhurojne , princat e sotem,binesmenet e pasur “hirusheve” pensioniste.Problemi eshte teper me i thelle dhe shkaku aq edhe me i gjere.Keto,do te thuash ti,jane probleme te nderlikuara,qe lidhen me politika antipopullore,me padrejtesi shoqerore te medha, me regjime te vjetra e te reja diktatoriale e antipopullore te instaluara “me votime ” dhe me parti “me duar te pastra”.Keto ti zoti Mondi nuk i. ngacmon fare. “Kondicioneret e ajrit” jane arritje te medha dhe nje luks i madh po t’ia kujtosh atij qytetarit e fshatarit pas strehe,apo me shtepi te permbytura, pa le atyre romeve te varfer qe edhe catite e vckla prej teneqe ua heqin nga kryet fadromat e Bashkise se Tiranes!
Cuditem se si ajo gjitonja yte e lenka deren hapur duke i vene nje kepuce te vjeter te saj,kur une di qe shtepite e qytereve mbyllen me njeqind dryna e celesa(me pare shtepite tironase nuk kishin cels fare ne pergjithesi) nga pasiguria e tejskajeshme e krimit ,qe u rezikon si pronen,edhe koken,pa le pastaj levizjen apo shetitjen e lire neper rruge e pazare!
Eh,more Profesor Mondi,me kete historine e “hirusheve” tuaja plaka dhe kepuckat e tyre,me solle ndermend historine e dhimbshme te varferise se tejskajeshmne te Lulit te vocer dhe kepuces se tij me “goje” te hapur,qe na e percolli me aq mjeshtri dhe dhembshuri poeti yne i madh Migjeni.Dhe ai i varfri protestonte per kepucken e Lulit te vocer dhe “bukurise qe vret” ne kasollen e ngrire duke thirrur “A te kisha nje grusht te…”,grushtin e fuqishem e donte te thermonte regjimin e padrejtesive,varferimit dhe torturimit te popullit te mjere.
Beju nje thirrje qeveritareve tane z.Tupja, ramazan eshte,le te bejne nje prove a sakrifice quaje si te duash,e te jetojne vetem per 15 dite me leket e pensionit me te larte ne Shqiperi.Ta provojne cdo te thote pesnionist shqiptar!Thuaju,ata (qeveritaret) thone se agjerojne dhe ty te respektojne ,je i tyri !
Sa të ketë të pasur edhe të varfër do të ketë.Kjo është zbuluar këtu e 2000 vjet më parë.Nuk e zbulova unë.Nuk besoj se do të gjendet ndonjë zgjidhje e mençur per këtë as në të ardhmen.Dikush ambjentohet me varfërinë sa që i duket më mirë të shtrihet në rrugë e të lypë lëmoshë se sa të punojë.Një tjetër pin duhan dhe lyp per ta sigurar atë. Ka që lypin per të pirë alkol.Por ka një thënje të bukur per njërëzit që kërkojnë ndihmë sociale:”Ai që mund të shkojë tek zyra e ndihmës sociale nuk duhet kerkojë ndihmë nga shteti”.Dhe do të shtoja se ai që mund të punojë nuk duhet të zërë trotuarin per të lypur.Pensionistët ,vertetë, kanë vështirësi , sidomos , kur janë të sëmurë, kur jetojnë në vetmi etj.Ata që kanë zbritur në qytete ia kanë shtuar vetes problemet e jetesës.Shteti duhet të mendojë per këtë shtresë.
keto konceptet tuaja jane koncepte fashiste.c’lidhje kane lypesat me pensionistet e varfer.
ndihma sociale eshte e domosdoshme dhe ekziston ne cdo vend te botes moderne.paragjykimi absurd i personave qe nuk kane ate qe quhet pavaresi ekonomike eshte fashizem i paster.sipas jush ti leme te vdesim…..
I nderuar shkrues i “Kepuca e Hirushes”
Fabula ishte shume e bukur.Nuk dua te lodh lexuesit dhe ju bashke por po them vetem dy fjale: ashtu si kepuca e hirushes vonon qofte dhe per disa dite vdekjen e pensionistes, do ju luteshim shume me shkrimet tuaja te shpejtonit ose me mire te mos ju jepni jete atyre qe detyrojne pensionistet te perdorin kepucet e hirushes per te vonuar vdekjen e tyre.
Je burre i zgjuar dhe e kupton mire se ku e kam fjalen. Gjuha kocka s’ka por kocka thyen.
Bukur fort e ke qendisur Prof.Mondi.Duket qe jeton me hallet e popullit.Por problemin e kepuceve te “hirusheve” te tua nuk mund ta zgjidhin “kondicioneret e ajrit” qe ua kerkoje te dhurojne , princat e sotem,binesmenet e pasur “hirusheve” pensioniste.Problemi eshte teper me i thelle dhe shkaku aq edhe me i gjere.Keto,do te thuash ti,jane probleme te nderlikuara,qe lidhen me politika antipopullore,me padrejtesi shoqerore te medha, me regjime te vjetra e te reja diktatoriale e antipopullore te instaluara “me votime ” dhe me parti “me duar te pastra”.Keto ti zoti Mondi nuk i. ngacmon fare. “Kondicioneret e ajrit” jane arritje te medha dhe nje luks i madh po t’ia kujtosh atij qytetarit e fshatarit pas strehe,apo me shtepi te permbytura, pa le atyre romeve te varfer qe edhe catite e vckla prej teneqe ua heqin nga kryet fadromat e Bashkise se Tiranes!
Cuditem se si ajo gjitonja yte e lenka deren hapur duke i vene nje kepuce te vjeter te saj,kur une di qe shtepite e qytereve mbyllen me njeqind dryna e celesa(me pare shtepite tironase nuk kishin cels fare ne pergjithesi) nga pasiguria e tejskajeshme e krimit ,qe u rezikon si pronen,edhe koken,pa le pastaj levizjen apo shetitjen e lire neper rruge e pazare!
Eh,more Profesor Mondi,me kete historine e “hirusheve” tuaja plaka dhe kepuckat e tyre,me solle ndermend historine e dhimbshme te varferise se tejskajeshmne te Lulit te vocer dhe kepuces se tij me “goje” te hapur,qe na e percolli me aq mjeshtri dhe dhembshuri poeti yne i madh Migjeni.Dhe ai i varfri protestonte per kepucken e Lulit te vocer dhe “bukurise qe vret” ne kasollen e ngrire duke thirrur “A te kisha nje grusht te…”,grushtin e fuqishem e donte te thermonte regjimin e padrejtesive,varferimit dhe torturimit te popullit te mjere.
Beju nje thirrje qeveritareve tane z.Tupja, ramazan eshte,le te bejne nje prove a sakrifice quaje si te duash,e te jetojne vetem per 15 dite me leket e pensionit me te larte ne Shqiperi.Ta provojne cdo te thote pesnionist shqiptar!Thuaju,ata (qeveritaret) thone se agjerojne dhe ty te respektojne ,je i tyri !
Sa të ketë të pasur edhe të varfër do të ketë.Kjo është zbuluar këtu e 2000 vjet më parë.Nuk e zbulova unë.Nuk besoj se do të gjendet ndonjë zgjidhje e mençur per këtë as në të ardhmen.Dikush ambjentohet me varfërinë sa që i duket më mirë të shtrihet në rrugë e të lypë lëmoshë se sa të punojë.Një tjetër pin duhan dhe lyp per ta sigurar atë. Ka që lypin per të pirë alkol.Por ka një thënje të bukur per njërëzit që kërkojnë ndihmë sociale:”Ai që mund të shkojë tek zyra e ndihmës sociale nuk duhet kerkojë ndihmë nga shteti”.Dhe do të shtoja se ai që mund të punojë nuk duhet të zërë trotuarin per të lypur.Pensionistët ,vertetë, kanë vështirësi , sidomos , kur janë të sëmurë, kur jetojnë në vetmi etj.Ata që kanë zbritur në qytete ia kanë shtuar vetes problemet e jetesës.Shteti duhet të mendojë per këtë shtresë.
keto konceptet tuaja jane koncepte fashiste.c’lidhje kane lypesat me pensionistet e varfer.
ndihma sociale eshte e domosdoshme dhe ekziston ne cdo vend te botes moderne.paragjykimi absurd i personave qe nuk kane ate qe quhet pavaresi ekonomike eshte fashizem i paster.sipas jush ti leme te vdesim…..