Firmoset emërimi i Spahisë si sekretar i Përgjithshëm
Politike e Premte, 27 Korrik, 2012 | 11:27 am
Bardh Spahia
Fatmir Konja ndihmës i Presidentit për mediat.
Presidenti i ri i vendit, Bujar Nishani, ka pasur dje një dite pune normale, me takime me stafin e ngushtë me të cilin do të punojë në këto pesë vite. E reja e ditës së djeshme ishte emërimi zyrtar i Bardh Spahisë si sekretar i Përgjithshëm i Presidencës, post të cilin gjatë pesë viteve të kaluara e ka mbajtur Aleksandër Flloko. Emërimi i Spahisë erdhi një ditë pasi me vendim qeveria ai u lirua nga detyra e zv.ministrit të Shëndetësisë, të cilin e mbante prej vitit 2009. Ndërkohë, burime nga ky institucion bëjnë të ditur se i gjithë stafi politik që ka punuar me ish-presidentin Bamir Topi ka dhënë tashmë dorëheqjen. Gjatw ditës sw djeshme kreu i shtetit firmosi edhe emërimin e Fatmir Konjws si ndihmës pwr marrwdhwniet me mediat. Dy ditë më parë, gazeta zbuloi edhe emrat e këshilltarëve të Nishanit. Florjan Nuri, i cili ka punuar gjatë këtyre viteve me Presidentin Nishani gjatë kohës që ai ka qenë ministër i Brendshëm dhe i Drejtësisë, do të jetë në pozicionin e shefit të kabinetit. Një tjetër bashkëpunëtor i ngushtë i kreut të shtetit, i cili lë detyrën në Ministrinë e Brendshme dhe shkon në Presidencë, është princi Leka II. Trashëgimtari i fronit mbretëror do të asistojë kreun e shtetit sa u takon çështjeve politike.
Haha prince Leka per çeshtjet politike
eshte nipi i ahmet zogut ai prandaj dhe djali i lekes se I -re ate qe perzuri saliu ne 1993 kur ishte vet ne kete post.
Te marre ke te doje kush e pyet per ate pune kot do jene te gjithe aty se mos do ti pyes Berisha ose Jozi Nishanin as mos e mendoni kete duket dhe stafin qe ai ka marre.Te gjithe kuadro te zot dhe te depolitizuar hallall.
Bardh Spahiu, nje njeri i afte qe do te jete ne sherbim te te gjitheve. Urimi. Presidenti Nishani po zgjedh me kujdes dhe mjaft mire stafin e tij, kuadro te afte dhe te ekuilibruar.
Ok tani Jari do luaje dam, yc, domino dhe pesqinsh me ‘stafin’. Keta jane kot fare po edhe sikur te qene me te mire prap sa do shtyjne kohen si ne kohen e sulltanit. Sala vazhdon mbreterimin i qete nga populli dele dhe opozita qe ne fakt nuk ekziston. Gezuar satrapin e radhes (zogu vodhi arin, dulla i vuri drynin atdheut).