Individi Mark kundër deputetit Marku
Opinion e Mërkurë, 4 Korrik, 2012 | 12:46 pm
GRIDA DUMA
Intervista në emisionin “Shqip” e deputetit Mark Marku, në një këndvështrim sipërfaqësor, sigurisht la shijen e një ligjërimi konstruktiv dhe madje guximtar të një individi që tingëllon se po flet hapur. Kjo pasi në veshët tanë, jo rrallë të lodhur nga ligjërimet e shumta, na tingëllon “e hapur” çdo kritikë, mjaft të jetë kritikë, e çdo lloji, pavarësisht kritereve.
Por, në respekt të vërtetësisë dhe intelektualit që duhet ta mbarsë atë, pra për rrjedhojë edhe të figurës së vetë z. Marku, si pjesë e përfaqësimit intelektual, është më se i nevojshëm një reagim i denjë dhe i vërtetë ndaj asaj interviste. Pikërisht në shërbim të të folurit hapur dhe me vërtetësi është e nevojshme të kuptohet çfarë tha realisht z. Marku, cila ishte logjika e përdorur prej tij, sa koherente ishte ajo logjikë dhe argumentimi i përdorur prej tij, e në përfundim, cili ishte modeli publik që ai dha si pjesë e detyrës publike e tij.
E shtroj këtë çështje sepse duhet theksuar që nëse gjithçka që u tha prej tij nuk i përgjigjet një arsyetimi dhe procedimi të drejtë, atëherë vetë përmbajtja e asaj që ai proklamoi nuk do të ishte më e vlefshme. Po ashtu, gjithçka që z. Marku theksoi mbi nevojat e domosdoshme për ndryshim, nuk do të reflektoheshin askund nëse nuk mbështeten nga një logjikë solide. Kur mungon një koherencë logjike, gjithë çfarë mbetet në përfundim është një tablo mediokre ku dikush është faktorizuar për një moment duke kritikuar, anatemuar dhe bërë oponencë dhe asgjë më shumë. Asgjë nuk ka ndryshuar në përfundim.
Pikërisht për faktin që ajo çka themi nuk duhet të përfundojë në ligjërime boshe pa asnjë rezultat konkret, është e nevojshme të bëjmë thirrje për kolona të arsyetimit në ligjërimet publike.
Kështu, ndërsa ndiqja me vëmendje intervistën e tij, herë pas here ishte e pamundur ta ndiqja linjën e mendimit në atë që z. Marku thoshte. Kjo pasi në varësi të idesë që tentonte të përcillte, ai ndryshonte here pas here status. Të krijohej një ndjesi marramendëse që të shkakton një folës që ndryshon vend shpesh përgjatë një bisede në një tryezë. Kështu, z. Marku e nisi intervistën duke thënë që ndonëse problemet që po shpaloste në këtë moment i kishte parë që në fillesën e vet brenda grupimit politik ku aderoi, ai e kishte të qartë që duke u bërë pjesë e një grupi, duhet të mësosh rregullat e “shtëpisë së tij”, ky ishte termi i përdorur prej tij. Pra, z. Marku pranon që është bërë pjesë e këtij grupimi me vullnet dhe ndërgjegje, dhe që rregullat e shtëpisë duhen kuptuar, mirëkuptuar e respektuar. Vetëm pak më vonë, përgjatë intervistës së tij, ai shprehet që përfaqëson vetveten, individin dhe jo grupin, ndonëse paradoksalisht nuk pranon të mos jetë pjesë e grupit. Dhe këtu pikërisht fillon jokoherenca e pozicionit të tij. Pra, z. Marku thotë që është pjesë e grupit, e merr statusin të flasë si një person brenda grupit në emër të përmirësimit të grupit, por përfaqëson vetveten, individin, jo grupin. Ky procedim është një pamundësi dhe absurd real, i pamundur të ekzistojë si i tillë. Jo vetëm kaq, por madje ky procedim i tij bie ndesh me atë çka ai thotë kur pyetet për votimin e Presidentit në sallën e Parlamentit. Ai thotë që një gjë është të mendosh dhe një tjetër të votosh. Pra individi Mark Marku ka votuar vetë, ndryshe nga çka menduar po vetë. Ky procedim të çon në një lloj pamundësie për të gjetur se cila është rruga për t’u ndjekur. Pra mundet që një ditë të kemi përballë një deputet, si në rastin e deputetit Marku, por ai të mos jetë në të vërtetë deputeti, por individi me mendime të ndryshme nga përgjegjësia që ka marrë përsipër me vullnet të lirë dhe, nga ana tjetër, të sillet si ai ta gjykojë të arsyeshme për momentin. Pra, të votojë ndryshe nga ç’mendon dhe të ligjërojë ndryshe nga ç’voton. Si mundet të kuptohet ky qëndrim?! Si mundet të kuptohet cila është e duhura në këtë dualizëm ekstrem? Por, ç’është më e rëndësishmja, si mund të realizohet ndryshimi që ai vetë kërkon nëpërmjet këtij qëndrimi? Ajo çfarë nuk mund të pranohet në këtë qëndrim është që një përfaqësues politik që me vullnet ka marrë përgjegjësinë të përfaqësojë qytetarët sepse gëzon edhe statusin e deputetit, nuk kupton gjënë më elementare, duke marrë një vendim për pjesëmarrje në një grupim partiak, atëherë statusi nuk është i dyfishtë. Pra, si individi Mark Marku dhe deputeti Mark Marku, ashtu edhe anëtari i grupimit politik Mark Marku, duhet të qëndrojnë në harmoni me njëri-tjetrin, jo në kundërshti, s’munden kurrsesi të jenë në kundërshti. Çka do të thotë domosdoshmërisht që nëse duhet folur si jashtë grupit, atëherë thjeshtësisht duhet të qëndrosh jashtë grupit, pra të dorëhiqesh prej tij. Në terma të thjeshtë nuk mund të thuash që unë jam deputet i një force politike, por kur ajo nuk më pëlqen, unë largohem dy orë dhe në ato dy orë jam një tjetër, jam individi Mark Marku, që kritikoj deri në rithemelim shtëpinë time politike dhe pas dy orësh kthehem sërish në shtëpi dhe bëhem deputeti Mark Marku.
Ky procedim absurd logjik së pari është i dëmshëm sepse nuk lejon kurrë që dikush të marrë përgjegjësi. E nëse nuk merren përgjegjësi, nuk ndodh kurrë ndryshimi i kërkuar nga vetë z. Marku. Kështu, nëpërmjet këtij procedimi spekulativ, një mendje e pathelluar; thjeshtësisht mund të kritikojë forcën politike ku bën pjesë z. Marku, por jo vetë atë. Sepse ai një moment doli si individ dhe shprehu vetë kritikën, ndonëse më pas sërish u ul në ndenjësen e kësaj force politike. Ai, tashmë, duke dalë e duke hyrë, i lau mëkatet, nuk është fajtor, madje është sërish banor i shtëpisë politike, por jo pjesëmarrës në kostot e shtëpisë.
Me këtë absolutisht nuk po nënkuptoj ndonjë favorizim të veçantë të përfituar nga z. Marku, por u referohem kostove të çdo vendimmarrjeje politike që peshon në të gjithë ata që janë po aq individë sa z. Marku, por dinë mirë që kanë bërë një zgjedhje të vullnetshme dhe të ndërgjegjshme. Kjo nuk do të thotë aspak që nëse je anëtar i një grupimi nuk ke të drejtë të thuash fjalën tënde, por sigurisht, kjo fjalë duhet thënë brenda grupimit politik e më pas nëse nuk dëgjohet, nuk përfillet, nëse gjuha jote nuk komunikon me gjuhën e grupit, atëherë shkëputesh nga ai grupim dhe vijon të ligjërosh fort fjalën tënde jashtë tij në kundërshti me të.
Kjo nuk na provon nëse grupi kishte të drejtë apo individi kritikues kishte të drejtë, kjo duhet kuptuar thjesht që nuk mund të ketë dy standarde në qëndrime, jam, por nuk jam. Pikërisht ky dualizëm është ai që intelektualët së pari duhet të evitojnë. Nga ana tjetër, nuk po pohoj aspak që konformizmi total është vlerë absolute dhe e gjithmonshme, por dualizmi është një vlerë edhe më e rrezikshme se konformizmi.
Duke vijuar më tej, në ligjërimin e tij z. Marku flet për një “rithemelim” të forcës politike ku ai vetë gjendet. Termi rithemelim është një term që në asnjë mënyrë nuk mund t’i tolerohet një intelektuali si z. Marku, një pedagogu të Shkencave të Komunikimit. Si mund të rithemelohet diçka e themeluar? Si mundet të rikrijosh rrënjët e një strukture, biologjike apo sociale? Rrënjët ose shkulen, ose qëndrojnë, e themeli ka të bëjë me rrënjët. Një koncept si rithemelimi është po aq spekulativ në terma realë sa janë absurdë e spekulativë dhe pozicionet e ndryshme që merr z. Marku në qëndrimin e tij.
Kështu, një gjë është të flasësh për ndryshime dhe një tjetër gjë të flasësh për themelime. Ato nuk mund të qëndrojnë të dyja. Ndryshimet dhe përmirësimet vijnë nga anëtarët e grupit, dhe kjo është maksimumi që një anëtar, duke vijuar të jetë anëtar, duhet të pretendojë. Themelimet bëhen nga e para, ato nuk ndodhin brenda grupit, dhe domosdoshmërisht kuptojnë ose shkatërrimin e strukturës ekzistente ose krijimin e një strukture të re.
Kështu, nëse do të zbrisnim në terma më konkretë, atë që deputeti Marku thotë që do të bëjë në të ardhmen në fund të intervistës së tij, duhet ta bënte jo në fillim, por përpara ligjërimit të tij në publik, pra thjeshtësisht së pari të paraqiste planin apo projektin e tij politik, siç e quan ai, ndaj grupimit të tij politik, dhe vetëm pas kësaj të ligjëronte mbi të. Deputeti Marku jep të gjitha gjykimet mbi konformizmin e paduhur e plot elemente të padukura, por tezën e tij, idetë e tij mbi këto përmirësime, deklaron që do t’i paraqesë në një të ardhme të afërt pranë grupimit të tij. Duket qartësisht që është një procedim nga e kundërta dhe i mbështetur në një qëndrim dualist të tij.
Në gjithë çfarë shtjellova më sipër nuk gjendet aspak tendenca për të kundërshtuar këdo që kërkon të përmirësoje e zhvillojë cilindo grupim, sistem apo strukturën. Përkundrazi, pikërisht sepse fortësisht besoj që duhet përmirësuar gjithmonë, ndjek thirrjen e arsyes solide, e një procedimi logjik që na jep një rezultat. Përndryshe, çdo formë tjetër që nuk mbështetet në një logjikë dhe qëndrim koherent jo vetëm që nuk përmirëson, por madje krijon parakushte për një kaos edhe më të madh, një mjegull që nuk lejon të kuptohet qartazi kush është kush, e përfaqëson çfarë. Në këto kushte, marrja e vendimeve dhe gjykimet bëhen edhe më të rrezikshme, sepse na largojnë nga gjendja e vërtetë dhe reale e gjërave në fakt. E krijimi i kësaj mjegulle duhet shmangur me çdo kusht e qëndron edhe në bazament të misionit të intelektualit ndaj shoqërisë së tij, një bazament që besoj e ndaj po aq me z. Marku.
Mark Marku, nga eshte ky individ? Pak besoj se niset nga gjykime te sinqerta ne ato c’ka thote, se per te bere, as qe behet fjale. Koha do ta tregoje… qofshim gabim per Markun.
çfare flet kjo teto edukatorja? te gjitha ato qe ka thene mund te permblidheshin ne 3 rreshta: dhe do te ishin 3 rreshta te diktuar nga Sali Berisha.
o zonjushe duma. na i kurse te lutem sterhollimet e kota e na thuaj po dite gje c’hall ka mark marku. i ka ngel hatri nga doktori per ndonje gje? Sot e njezet vjet nuk ka ngritur njeri krye per parime. edhe m marku nuk ma merr mendja te beje perjashtim.
1.Sipas shoqes Grida, njerezit qe nuk i binden logjikes se kopese, duhet te largohen prej saj, te perzihen nga ajo; Partite jane organizma ku dogma partiake dhe jo individualiteti eshte primar, ne emer te popullit dhe partise. Kete me duket se e kam lexuar edhe ne nje vend tjeter; me duket se te “Mein Kampf”.
2.ajo e çon ne ekstrem konceptin e njeriut si kafshe politike, duke na sugjeruar nje lloj individi i cili qe nga momenti qe pranon apo investohet ne nje grupim ta caktuar, opinionet e tij personale shendrrohen ne rudimente qe duhen flakur tutje si nje gje e keqe, ne emer te mbijeteses se grupit. Mark Markut per shembull nuk i lejohet te mendoje per shembull qe Kryetari i Partise eshte i shemtuar, dhe ne te njejten kohe te mendoje qe ai eshte lider i papare, sepse keto dy pohime jane kunderthenese dhe çojne ne neuroze nese praktikohen per nje kohe te gjate(sipas Grides).
Grida eshte absurde i gjithe artikulli yt. Jam dakord qe mund te kesh nje mendim te ndryshem per Markun dhe per ate qe tregon Marku por menyra se si e shtron argumentimin eshte i pavlere dhe i barabarte me zero. Nuk pres nje Lubonje, Meidan apo ku e di une por qe te degradosh sa te nxjerresh keto ….nese i lexon komentet tek artikujt e tu lexo vetem kete te fundit “Pash Zotin mos shkruj me!”
Po kjo cfare perfaqeson qe ben kritiken e Mark Markut. Nuk gjeti ndonje arsye me te rendesishme per debat po o burra ne mbrojtje te shefit?
Megjithate eshte kinge nuk ke ci thua.
Ty ta mveshen barren e reagimit zonja Duma? Me tere mend ia fut kot. Une nuk besoj ne sinqeritetin e Mark Markut, jo per fajin tim, por per fajin e politikes. Sikur te ishte i sinqerte, logjika e tij qendron. Po supozojme sinqeritetin e tij. Mund te jem shume mire pjese e nje grupi edhe pse perfaqesoj vetveten. Ku eshte absurdi ketu? Pse, sipas teje zonja Duma, nuk duhet te kete antikonformiste ne nje shtepi? Pse nuk duhet te kete kundershtime ne nje shtepi edhe pse shtepine dhe njerezit e saj i dua dhe kundershtoj pikerisht per te miren e perbashket? Por edhe ti je futur tashme ne ulluk, poi hedh ca uje ullukut qe te perfundosh ne mocalin e Berishes. Ky eshte absurditeti me i madh Duma, qe intelektualet pa integritet dhe pa brum perfundojne lehtesisht, si puna jote, ne ullukun e mbrapshte te pushtetit.
Shkrim thjeshtesisht I palexueshem.
Kjo eshte bere nje bukuroshe llapazane,sigurisht qe mbron ustain e saj,po i del boja edhe kesaj.
pse nuk zhvillon me tej tezat opozitare te Markut ne nje realitet me te gjere por i ben opozite disa tezave opozitare te tij duke ja futur sic thote populli p.. kupto se kur nuk je e zonja te kritikosh qendrimet e gabuara te nje partie politike ose qeverise ne dem te popullit me mire hesht. Pse jeni te gjithe puthadoras, dhe sa po del njeri qe ben nje kritike ne vend qe ta mbeshtetni i suleni per ti mbyllur gojen. Ore sikur edhe gabim ta kete Marku fakti qe kritikon qeverine eshte pozitiv dhe duhet inkurajuar. Kupto zonjez se qeverine e paguaj ne populli taksapagus jo se ajo qendron aty falas dhe se i digjet shpirti per ne.As
Avash mi avash se ka ik koha kur behej lavazh trurit njerezor. Marku eshte mendim ndryshe. Kush je ti per ti thene te iki nga partia. Do gjesh kundershite e tij psikologjike ti.
Grida Dume e Dume e Dume e Dum babà o dum babà.
E dashura Zonjusha Duma, shkrimi juaj eshte nje thike e helmatisur ne zorret, edhe keshtu te nakatosura, te te shprehurit te mendimit ndryshe, te te shprehurit te cdo lloj kritike, sado te mekur, ndaj tabuse politike me te neveriteshme dhe me te rrezikshme te tranzicionit te shoqerise shqiptare: Uzurpimit te PD dhe te Misionit mbi te cilin kjo PD u krijua nga Berisha dhe oborri i tij i korruptuar. Ne kete fryme, ju nuk jeni vecse nje nga ato konet e tualetosura te ketij oborri qe ju jep sheqerkat e rradhes sa here filloni dhe kuisni kunder ndonje oborrtari, si Zoti Mark Marku qe, i tejngopur me maskaraden e Tabuse Berisha, fillon te belbezoje ca idera e parime elementare te cdo demokracie qe akoma nuk paskeshin vdekur diku ne ndonje skute te dinjitetit njerezor e intelektual te tij.
Ju, Zonjusha Duma, keni zgjedhur te polemizoni me llogjiken e kritikave ne anen formale te tyre. Sigurisht, ju mendoni se intelektit tuaj nuk i ka hije te merret me thelbin e kritikes, por me veshjen e saj dhe me menyres se si behet ajo. Pa dyshim, ju mendoni se shoqerise shqiptare i vlejne sterhollimet e lojnat e fjaleve te shkrimit tuaj dhe jo thelbi i mesazhit qe oborrtari Marku do qe ti percjelle elektoratit te ketij Oborri. Gaboheni rende Zonjusha Duma! Belbezimet e Zotit Marku jane qindra here me te nevojshme se cicerimet tuaja intelektuale.
Por, ju shkoni edhe me tej moj Zonjushe. Ju jeni aq e pafytyre intelektualisht sa te guxoni te percillni, per Z.Marku dhe per kedo qe mund ti kete shkuar nder mend te artikuloje peshtjellimet e grumbulluara ne Kupolen Mafioze te PD-se, kercenimin e flakjes ose te vetperjashtimit nga Oborri. Ne thelb, ju percillni mesazhin e Berishes per raste te tilla: Ju pelqejne favoret, gezojini dhe heshtni! Kritikat nuk pranohen!
Nese ju ha kurrizi, dilni nga Oborri dhe mbani pasojat.
Sipas llogjikes suaj intelektuale, kur je pjese e Oborrit mund te belbezosh brenda tij, po guxove. Por nuk mund dhe nuk duhet te flasesh jashte, ne publik, pasi ne kete menyre ti na qenkerke ne pozita dualiste, na qenkerke i pabesueshem dhe mesazhet e tua, edhe pse mund te emancipojne shoqerine dhe standartet publike te saj, jane te parealizueshme.
Shume sinqerisht, Zonjusha Duma, une te ftoj reflektosh per shkrimin tend dhe, sidomos, te ndryshosh vizionin tend per PD dhe per cilendo force tjeter politike ne Shqiperine e sotme. Ato nuk duhet dhe nuk mund te jene sekte te mbyllura ku njerzit brenda tyre nuk mund te flasin ne publik. Aq me teper kur, per cilindo vezhgues sadopak te ndjeshem e te paanshem, demokracia shqiptare ka nje problem te rende me gjendjen ku eshte katandisur demokracia ne PD-ne e endrave te shumices se shqiptareve. Te fillosh te ndryshosh kete gjendje ne PD eshte nje imperativ. Qofte edhe duke e gervishur ndopak me belbezimet e oborrtarit Marku.
Zonja Duma shkruan”bukur” por mesazhi qe percjell nuk tingellon bukur….Z.marku reflekton ndaj situates,megjithse me vonese dhe me rezerva…..por une e pershendes per kete!Arsyen pse e beri kete nuk me intereson….Ka kurajo dhe nuk eshte indiferent ose ushtar i bindur….
Nga na doli kjo “Lenke” e pushtetit te ri demokratik. Habitem sesi kjo pretendon te na integroje ne BE mqs. eshte Zvministre e Integrimit, kur logjika apo sulmi qe perdor kundrejt kritikave te z.Marku ngjason me kohen e para viteve 1990 (komunizmit). Pikerisht kete “soj” akuzon Mark Marku ne kriticizmin e tij dhe duket sheshit se diktatori i ri B. nga fshati i vogel V. po perdor njesoj si dikur diktatori H nga qyteti GJ. personazhe qesharake politike si dikur shoqja Lenka
Vini re !”Ne respekt te vertetesise, dhe intelektualit qe duhet ta mbarse ate”…E adhuroj kete figure letrare qe ka perdorur…hihihi.Sipas Grides, intelektuali paska detyre te kryeje maredhenie seksuale me te verteten, qe e verteta te pjelle çfare? -Nje genjeshter te madhe!Dhe Grida, ne respekt te postulatit te saj qe na kthen edhe njehere ne kohen e absolutizmit te Baruk Spinozes, pikerisht kete ka bere me kete shkrim; ia ka hypur te vertetes. Presim me padurim te shohim ne eshte çun apo goce.
Po cfare lidhje ke ti moj zonjushe me PD a mund te na thuash dicka se na hoqe trurin?! Vetem nje idiot mund te mbylle syte e te mos pranoje realitetin apo ndryshimin qe i kerkohet nje force politike te lodhur nga pushteti dhe te privatizuar si mos me keq nga kryetari i saj…
E gjora kjo!Vazhdon te funksionoje sipas rregullit: Qeni dhe konia duhet te lehe dhe kafshoje tere kohen sipas interesit te atij qe i hesh kocken.
MArku eshte nje vlere per politiken shqipetare.Nese do te kish shume deputet te ketij niveli ne parlamentin tone ,ne te dy krhet e politikes ,ajo te pakten do te ish me e kulturuar me e qyteteruar dhe me bashkpunuese.Nie nga fatkeqesit e ketij kparlamenti ,qe padyshim percillet ne te gjithe politiken shqipetare eshte niveli i ulet ,militantizmi dhe diletantizmi politik Shqiperia do behete kur te jene minimalisht deputetet qytetar te kulturuar dhe kur te tregohet ne nete e dimerit histori me tom dosh apo ate Sulen e Peqinit me kobure ne brez
Grida, ky emer do te thote “ulerime”. Kjo mjafton per kete rast!
Nese Mark Marku dhe ndonje tjeter do te kishin reaguar ne kete menyre,Saliu nuk do te ishte aq trim ne zgjedhjen e presidentit.Por Mark Marku dhe ndonje tjeter,u vune ne rresht duke ngritur dy thundrat e gjymtyres se perparme perpjete per cdo kandidat qe i tekej apo zevendesonte rruges Saliu.Asnje vlere nuk ka sot mendimi i Mark Markut,sot nuk i duhen kujt mendimet e tij kur te gjithe njerezit pane sesi 73 kukulla ngrene doren sa here Saliu shtyp butonin.
Kjo nuk me duket as si bjonde.
Kam patur nje shok mehalle , Fatmir Duma, qe ruaj kujtimet me te mira per te dhe familjen e tij (nenen, babain , motrat ..) ne drejtim te korrekteses dhe respektit reciprok. Ne se jeni vajza e Fatmirit , do te gezohem shume , ju sigurisht duhet te jeni qe te dy krenare per njeri tjetrin
Sa do te doja te di ne cfare beson kjo Duma? Vetem mos me thoni qe beson ne cfare ka shkruar, sidomos qe eshte flamurtare e koherences.
Pranoj cdo version tjeter…
Ne kundershtine ndaj shkrimit te znj.Duma tek disa komentues, nuk gjej argumenta per te debatuar, por thjeshte deshiren militante politike per te asgjesuar “armikun”. Perse duhet paragjykuar mendimi i saj ?
Ajo ka shfaqur mendimet e saj ashtu si i gjykon. Nese dikush nuk pajtohet me keto mendime, te sjelle argumentat e tij per ti kundershtuar e jo te beje “zhurmuesin”, se boll e kemi me shumice kete lloj specie tek disa politikane e gazetare socialiste.
Nuk dua te futem ne analizen e mirfillte te mendimeve te tij. Pershtypja ime mga kjo interviste eshte se z.Marku, ashtu sic ndodh tek shume politikane, reagon thjeshte nga qejfmbetjet subjektive e ja nga parimet demokratike.Nga disa gjysem te verteta, ai shkeput gjysmen e pa vertete per te paraqitur mendimin e tij ndryshe.
Pajtohem me mendimin e tij se znj.Topalli i kishte te gjitha kushtet per te pasur nje presidente qe do i pergjigjej kerkeses per nje figure me te vertete dinjitoze per ate post. Nje femer intelektuale, antikomuniste e vendosur, familjarisht e persekutuar nga diktatura komuniste, me kontribut te madh jo vetem ne rolin e kryeparlamentares, por edhe te perfaqesimit te denje te politikes se jashteme shqiptare.
Por z. Marku, nuk ka se pse te abuzoje me faktin se PD e shmangu kandidimin e saj ne nje kohe qe ajo shihet nga gjithe e majta shqiptare, akoma me mentalitetin kllasor si armike.Z.Marku ose eshte naiv politik, ose kerkon thjeshte te hedh shashka percarje ne grupin e tij te deputeteve te djathte, kur “nuk e kuptoka” se nuk kishte asnje shans qe zonja Topalli, ndonese e meritonte, te zgjidhej presidente pasi edhe votat e aleateve te majte i kishte kunder.
Nuk do te desha ta paragjykoja z.Marku, pasi e kam degjuar ne disa debate televizive, se ka per qellim te demtoje te djathten. Me shume dyshoj ne paaftesine e tij ne vleresimin e situatave politike.
Kjo, zonje e evidentuar kohet e fundit neper ekrane ,gazeta, aktivitete te ndryshme jo vetem per sharmin qe ka por me shume per zellin e tepruar per te mbrojtur dhe replikuar me kedo qe cenon sado pak qeverine., Kurse Zoti Mark Marku qe ka bere deri dje te njejten gje si Zj,Grida ka bere nje levizje qe se prisnin , ndjejne se po ju largohet nga vatha dhe c te bejme : ta sulmojme por kjo duhet bere ne menyre shume te sofistikuar… me fjale e fjali qe pak i marin vesh, shume gjate … per tu dukur profesionale dhe parimore..
Kjo femra simpatike eshte zevendesministre dhe qe ne rast se dalin ato qe thote deputeti Marku i bie qe kjo mbas nje viti me gjase te mos jete me prandaj kercen perpjete kjo bukuroshe .Mos u cuditni kur te dalin dhe te tjere te gjithe qeveritare ne kor te orkestruar nga Berisha kunder armiqve te Partise demokratik.
Ky shkarra-shkrim eshte ilustrimi me brilant i devizes “fol shume per te mos thene asgje” ! nje stil nanoist i update-uar!!! fjali kilometrike te gjata,por ne te vertete nje numer ekstremisht i kufizuar termash! si ne teorine e njehsimit kombinator ne matematike! Duket qarte,qe nga larg,bie era aq shume qe ky “shkrim” eshte pune e porositur!….
Me pelqeu shume analiza jote per shkrimin tim, por tema nuk ishte kjo.Ne 2005 kam votuar Pd.
Kur ishe thjesht nje pedagoge ne UT ,te ndiqja dhe me ke pelqyer shume, por cuditerisht je tjetersuar pasi u bere Zv. ministre, te kam pare ne TV , FLET PA LOGJIKE, THJESHT MBRON BERISHEN, KE VENDOSUR TE BEHESH DEPUTETE, me vjen keq per ty ta humbesh dinjitetin tend , sepse politika te denatyron sidomos kur perpiqesh te biesh ne sy te Shefit(Berishes). Mos u bej nje mercenare , se mercenari mercenar mbetet.
c’jane keto …te vjen keq qe jane te reja (te pakten keshtu duket nga foto) dhe ne vend qe t’i meshojne rritjes se demokracise, shohin me lupe shkrimet ne favor te saj (i.e.demokracise)…mjere ky vend
Mark Marku eshte qytetari me i ndershem ne shqiperi dhe ka lexuar me shume se te gjithe parlamenti dhe Duma sebashku…
Kur PD pret prosperitet prej Grides, bota le te permbyset.
Jozefina, Rajmonda, Majlinda, Albana, jane profile shume me pozitive se kjo Grida.
Pse me ket Griden do shkojme ne pas tyre ?
“Nga ana tjetër, nuk po pohoj aspak që konformizmi total është vlerë absolute dhe e gjithmonshme, por dualizmi është një vlerë edhe më e rrezikshme se konformizmi”.
Nuk e di cfare te ben kaq te sigurt ne kete gje qe thua.
Ky argument eshte kaq i madh sa mund te shkruhen libra te tere por vetem nje gje te vogel po e kundershtoj qe tani: ti po pohon qe konformizmi nuk eshte gjithmone vlere absolute, pra sikur ndononjehere eshte vlere, pra ka eshte dicka per tu vleresuar ne konformizem. Kjo eshte shume e diskutueshme dhe varet nga kendveshtrimi i secilit dhe rrethanat: p.sh per oportunistin konformizmi shpesh eshte nje mjet shume i dobishem. (per te ta ilustruar me mire; ne pozicionin qe ke aktualisht, per ty konformizmi eshte absolutisht i nevojshem qe neser te behesh ndoshta edhe ministre). Nga ana tjeter nuk e di se cfare te ben te sigurt qe thua se dualizmi eshte me i rrezikshem se konformimizmi. nuk ka pse ta paraqesesh nje pohim te tile si absolut. Teorikisht, per mendimin tim, konformimizmi eshte nje baze e forte per te shkuar drejt uniformizmit, pra drejt totalitarizmit dhe kurrsesi nuk mund te besh nje pohim te tile me kaq bindje dhe vetekenaqsi.
Pervec kesaj, pothuaj cdo fraze eshte e debatueshme. Nuk arrij ta kuptoj se pse nje individ politik, i lire, brenda nje grupi te caktuar, ne nje moment te caktuar, nuk mund te beje nje kritike per punen e grupit qe perfqason. Ti thua me te drejte qe duhet me pare te kritikoje brenda grupit dhe pastaj nese nuk degjohet te dale jashte grupit. Se pari, ne cafe forumesh ta shprehe mendimin ndryshe kur keto forume nuk mblidhen ndonjehere dhe kur mblidhet grupi parlamentar nuk ka debat por vetem monolog; se dyti, propozimi qe t’i ben per terheqje nga grupi eshte nje logjike totalitariste, perjashtuese.
Perfundimi qe mund te bej eshte se shkrimi eshte rrjedhoje e nje logjike konformiste dhe, ndoshta pa e kuptuar vete e zonja, totalitariste.
Nisur nga debatet publike nuk kam pasur ndonjë simpati për Mark Markun, madje qendrimi i fundit i tij më ka befasuar, por mendoj se në intervistën e fundit ai ka thënë disa të vërteta që duhen vlerësuar. Mund të ngresh disa pikëpyetje se pse tani dhe jo më parë apo të tjera të këtij lloji, por po të nisesh nga thelbi i gjërave dhe më kryesorja demokratizimi i brendshëm dhe jo privatizimi i partisë janë çështje që hanë debat dhe vlejnë të bëhen në çdo kohë. Në këtë pikëvështrim shkrimi i Gridës tingëllon pak amatoresk dhe, po të mundja t’i vija një titull, duke perifrazuar titullin e mësipërm, do të thosha “Zv. ministrja Duma kundër individit Duma”.
Edhe pse pikenisja dhe motivimi i i Gurdes eshte tejet i diskutueshem, ajo ka te drejte kur shikon tek marku mosperputhje me ato qe thote sot dhe me ato qe ka thene dhe bere deri dje.Eshte shume e lehte te besh kritikuesin dhe luftetarin brenda PD-se lur je bindur se nuk je me nder te preferuarit te Berishes dhe me te gjitha gjasat Marku nuk do te jete ne listat e Berishes ne zgjedhjet e ardhshme. Keshtu Marku po leviz qe te zer nje vend ose tek FDR ose diku prane qendres ose mos e dhente zoti prane PS. mos harrojme se ky individ ka qene keshilltar i nanos me pare. Eshte mire qe ai i meshon zvetenimit te thelle qe ka perfshire PD nen Berishe por per shumekend ky zvetenim ka qene aty per mjaft kohe dhe marku jo vetem ka qene shume i lumtur qe te behet pjese e kesaj bande por ka bere per 7-8 vjete e fundit apologhuesin e flakte te ketij regjimi. gruda ka plotesisht te drejte tja vere ne dukje Markut te gjithe keto akrobacira irracionale te fjales qe ai ben sot. Se fundi do te ishte jashtezakonisht e rendesishme qe shqiptaret te zene mend nga individe si marku qe si pehlivan te zote e kthejne muziken e tyre ashtu si jua kerkon interesi i tyre.
Opozita e Markut eshte opzite e drejtperdrejte dhe korrekte . Kjo Vajza ka marre porosi te beje nje artikull , kunder Markut prestigjioz . Artikullshkrusja nuk ka thene asgje , ose ka bere te kunderten e porosise , qe ka marre . Ndoshta nuk eshte e afte t’i kundervihet platformes “Marku ” . Marku sot eshte nje i vetem . Duhet , qe te tere deputete te jene “Mark ” . Deri sa nuk ka Marker me shumice , por thjesht vajzurina , qe kryejne porosi , demorracia nuk do te ringjallet . Mark , Shinasi Rama , Geri Kokalari , Widhnes , kjo eshte inteligjenca reale . Illo
Po e vërteta a e mbars Gridën duke uleritur? Shtrohet pyetja, po intelektuali?
Dy gjera jane fare te qarta. E para, zotit Marku diku i ka mbetur qejfi. Ajo çeshtja e Jozefines eshte bllofe dhe kundershtoj edhe ndonje komentues, qe na permend persekutimin e Jozefines. Sa te persekutuar ka Jozefina ne folene e saj? Ç’ka bere Jozefina ne mbrojtje te te persekutuarve? ASGJE. Keshtu qe intervista e z. Marku nuk eshte aq e paster. E dyta, zonj. eshte edhe me e pasinqerte ne ato qe thote dhe mjaft e ceket ne mendim. Por me interesante eshte fakti qe asnje nuk del ne mbrojtje te zv. ministres, dmth ne fabvor te PD dhe te kryetarit te saj(perjashto nja dy zera per njohje personale). Pasi edhe ne blogje, teper ekstremiste te majta, zerat jane gati 50% me 50%. Kjo flet se PD ka humbur militantet e simpatizantet e saj. Nuk kishte si te ndodhte ndryshe kur administraten shteterore, Parlamentin, qeverine e stafin e Kryeministrit e kane kapur fiset komuniste e kriptokomuniste,qe mendojne vetem per vete, duke rrembyer pasurine e popullit. Edhe ata pak ish-demokrate(s’jane me), qe kane marre funksione, tani mbeshtesin te majtet, nga frika se mos neser fitojne ata, randaj u perkedhelen e u krehin bishtin per t’i lene rehat neser. PD do vertete rithemeluar. Te rikthehen ata qe e themeluan: studentet e te persekutuarit.
se kuptoj se clidhje kane keto krijesa kaq te bukura me ate kryeminister , turp per moshen qe ke….
Me dy rreshta i ka thene te gjitha z.Grida ,pa i hyre ne analize te gjithe asaj qe shkruan ! Pak a shume duhej qe brenda grupit te kishte shpalosur te gjitha ato qe e shqetsojne z.M.Marku dhe nese nuk dote merrte vemendjen e e duhun ne grup mund te delte dhe kumtonte edhe publikisht shqetsimin ! Nje gje dihet qe ne te gjitha Partit kudo ne mbar glob sado demokratike qe te jene veprohet dhe konkludohet mbi bazen e votes te cdo mendimi e gjykimi ,qe jo ne cdo rast shumica gezon dhe respektin e pakices qe e humb mbeshtetjen ndonese edhe mund te jen te vlefshme qendrimet e pakices ,por z.M.Marku nje ze kritik per z.G.Oketa qe u vetelargua pa provuar te cfaq rezervat e tij per pakenaqesit per zhvillimet ne PD u vetlargua e z.M.Marku e kumtoj ateher se z.G.Oketa dhe cdo antar i grupit i kishin dhe i kane te gjitha mundesit te shprehin ato qe duan dhe mendojene ! Pra a nuk ju duket si kontravers ky qendrim e i zotrise ne keta pak muaj !? Persa i perket z.J.Topalli pajtohme totalisht me komentuesin z.Deda sepse ne radhe te par ajo asnjehere nuk ka shfaqur pretendime per postin e Presidentes e besoj ishte njohja reale e asaj qe ofronte konfigurimi aktual i Kuvendit dhe rrjedhimisht asaj qe dihej se dote ndodhte mos marrja pjese ne votim e te majteve keshtuqe ne munges te PS ne votim edhe LSI nuk dote votonte Persoalitetin e madh dhe te palekundun perfajqesuesen ma dinjitoze te djathtes z.J.Topalli qe pa ju trembur aspak te vertetes jua pohoj ne sy tete a tete krimineleve G.Ruci & S,Gjinushi kur ata te dy fajsonin S.Berishen per 97 (debat televiziv per zgjedhjet e vitit 2005) po ju tha : qe Doktori kishte dhe ka shume faje perf 97 se kriminelve si Juve duhej tu kishte dhane plumbin badhit …………………… ………………………… e te tjera verpime e qendrime ne te mire te Atdheut e demokrcise dhe perfajqesimit ne menyren ma dinjitoze ne arenen nderkombtare te Shqiperise !