Dopingu, Qerimaj pezullohet 4 vjet
Sport e Premte, 8 Qershor, 2012 | 14:53 pm
Erkand Qerimaj
Federata Botërore e Peshëngritjes ka zyrtarizuar masën ndëshkuese ndaj peshëngritësit shqiptar, Erkand Qerimaj, i cili u shpall Kampion Europe në Turqi, pak kohë më parë. Atij i hiqet titulli i Kampionit të Europës dhe të gjitha medaljet e fituara në Kampionatin Europian të Shtangës, që u zhvillua në muajin prill në Turqi. Po ashtu, nuk mund të përfaqësojë Shqipërinë në Lojërat Olimpike të kësaj vere, ndërsa pezullohet nga të gjitha garat për katër vjet, më saktësisht deri më 22 maj 2016. Shkak për këtë furtunë masash ndaj tij është bërë gjetja e substancës së ndaluar “Methylhexanamine” në urinën e tij, gjatë testeve përkatëse anti-doping. I njohur me këtë ndëshkim, vetë peshëngritësi shqiptar, Erkand Qerimaj, e ka konsideruar gjithçka të padrejtë, duke paralajmëruar se do ta çojë çështjen në Gjykatën e KAS-it.
I bashkohet edhe ky “talenteve” dhe listes se atyre qe duan ta bejne sportin me farmaci.