Akullorja e re në Britani, përzierje e ujit të shenjtë dhe alkoolit
Kuriozitete e Premte, 1 Qershor, 2012 | 14:49 pm
Prodhuesit e substancës së debatueshme të ashtuquajtur qumështi i gjirit, kanë nxjerrë në tregun britanik një tjetër produkt që ka ngritur sërish debate: një përzierje e ujit të shenjtë me pijen alkoolike Absinthe. Akullorja në formë pistolete, “Vice Lolly”, përbëhet nga një e katërta e pijes me 80 për qind alkool, Absinthe, dhe tre të katërtat me ujë të shenjtë nga Lourdes. Akullorja e gjelbër kushton 18.58 paundë dhe shitet në “The Icecreamists” në Londër. Çmimi është vendosur sipas vitit 1858, viti kur uji i pranverës nga Lourdes i deklarua i shenjtë nga Kisha Katolike pasi një vajzë 14-vjeçare pa vizonin e Shën Marisë aty. Ndërsa Absinthe është kaq i fortë sa u konsiderua si pija që stimuloi Van Gogun për prerjen e veshit të tij. Gjatë Epokës Viktoriane ai ishte i ndaluar në Britani dhe nuk doli në shitje deri në vitin 1998. “Ka shijen e alkoolit të ëmbëlsuar. Pas konsumimit të tri prej këtyre akulloreve do të ndjehen efektet”, tha krijuesi i produktit, Mat O’Konor.
