Në shitje shtëpia e Amy Winehouse, 2.7 mln paund
Kuriozitete e Enjte, 31 Maj, 2012 | 18:57 pm
Pamje nga shtepia e Amy Winehouse
Shtëpia ku u nda nga jeta këngëtarja Amy Winehouse ka dalë në shitje për 2.7 milionë paund.
Babai i këngëtares që vdiq gushtin e kaluar, Mitch ishte shprehur më parë se ai nuk kishte dëshirë ta shiste, pasi kërkonte ta kthente në një qendër bamirësie me emrin e vajzës së tij të ndjerë, por tani duket se familja ka ndryshuar mendje.
Një zëdhënës i ka thënë “The Sun” se Mitch ka vendosur ta shesë me keqardhje të madhe. Amy e ka dashur atë shtëpi, ka thënë ai, por asnjë prej familjarëve të saj nuk mund të jetonte aty.
Sipas burimit shtëpia nuk mund të mbahej e zbrazët duke paguar shpenzimet e mirëmbajtjes.
“Është një vend i bukur ku mund të jetojë e lumtur një familje tjetër”- citon “The Sun.”
Shtëpia ishte blerë nga Amy dhe Mitch në vitin 2010 për 1.8 milionë paund. Sipas agjencive të pasurive të patundshme shtëpisë i janë bërë një serë rregullimesh, përfshirë një sistem të avancuar për dëgjimin e muzikës, sistemin e kamerave të sigurisë dhe një suitë.
