14-vjeçarja lutet ta lejojnë të vdesë (VIDEO)

Feb 27, 2015 | 15:07
SHPËRNDAJE

Valentina Maureira i lutet politikanëve që ta lejojnë t’i japë fund jetës së saj, sepse ajo është “e lodhur duke jetuar” me një sëmundje gjenetike.

Valentina Maureira

14-vjeçarja Valentina Maureira nga Kili vuan nga fibroza cistike që kur ka lindur. Ajo u diagnostikua me çrregullim gjenetik në një moshë të vogël dhe ka vuajtur probleme me mushkëritë dhe sistemin e tretjes.

Njerëzit që vuajnë nga kjo sëmundje shpesh përjetojnë probleme të frymëmarrjes dhe zakonisht nuk arrijnë të vënë në peshë pavarësisht se ushqehen normalisht.

Ajo është klasifikuar si një sëmundje kronike dhe katër dekada më parë personat e prekur s’kishin të ngjarë të jetonin përtej gjashtë muajve. Në ditët e sotme jetëgjatësia është deri në 37 vjeç, nëse gjendja menaxhohet me kujdes.

Vëllai i Valentinës ka vdekur nga e njëjta sëmundje. Vajza thotë se nuk dëshiron më të shkojë në spitale.

“Unë jam Valentina Maureira, jam 14 vjeç dhe vuaj nga fibroza cistike. Kërkoj një bisedë urgjente me presidenten sepse jam e lodhur duke jetuar me këtë sëmundje dhe vetëm ajo mund të autorizojë injeksionin vdekjeprurës…Dua të më lejojë të bie në gjumë përgjithmonë. Vëllai im i madh, Michael, ka vdekur nga e njëjta sëmundje, kështu që e di se çfarë do të ndodhë me mua”.

Babai i Valentinës, Freddy, tha se do të mbështesë çdo gjë që ajo dëshiron.

Freddy thotë se kërkesa e saj duhet të ndezë një debat të gjerë rreth eutanazisë.

NDIQE LIVE "PANORAMA TV" © Panorama.al

Te lidhura