Kryeministri i Britanisë, Boris Johnson është shtruar në spital dhjetë ditë pas testimit pozitiv për koronavirus.
Sipas BBC, Johnson ende vuan nga simptomat e sëmundjes dhe do t’i nënshtrohet testeve si një masë paraprake.
Kryeministri britanik është pranuar sonte në spital për teste, me këshillën e mjekut të tij.
“Ky është një hap paraprak, pasi Kryeministri vazhdon të ketë simptoma të vazhdueshme të koronavirusit dhjetë ditë pas testimit pozitiv për virusin.
Kryeministri falënderon stafin e NHS për të gjithë punën e tyre të jashtëzakonshme dhe i kërkon publikut të vazhdojë të ndjekë këshillat e qeverisë për të qëndruar në shtëpi, për të mbrojtur NHS dhe për të shpëtuar jetë“, tha përfaqësuesi i zyrës së kryeministrit.
Kryeministri Boris Johnson pritet të qëndrojë në spital natën e sotme, për ato që janë përshkruar si “teste rutinore”.
Sekretari i Jashtëm Dominic Raab pritet të kryesojë takimin e ardhshëm të qeverisë për koronavirus.
Johnson ka punuar nga shtëpia, që pasi u njoftua se ai kishte rezultuar pozitiv për koronavirus në 27 Mars, ndërsa kryesoi një takim për koronavirus përmes një lidhje onlie të premten në mëngjes.
NDIQE LIVE "PANORAMA TV" © Panorama.al
